Արցախ ուղարկված ռուսական հումանիտար բեռը չի կարող իրավիճակի վրա որևէ տեսանելի ազդեցություն ունենալ. Փաշինյան

Իրադրությունը Հայաստան-Ադբեջան սահմանի երկայնքով շարունակում է մնալ լարված: Այս մասին կառավարության այսօրվա նիստում հայտարարեց  Նիկոլ Փաշինյանը։

Նա ընդգծեց, որ Ադրբեջանը շարունակում է իր զորքերի տեղաշարժերը Հայաստանի հետ պետական սահմանի ու Լեռնային Ղարաբաղի հետ շփման  գծի երկյանքով։

Փաշինյանը նշեց նաև, որ հումանիտար իրավիճակը ԼՂ-ում ծայրահեղ ծանր է։

«Նախորդ օրն Ասկերանով մուտք գործած մեկ բեռնատար ռուսական հումանիտար բեռը չի կարող իրավիճակի վրա որևէ տեսանելի ազդեցություն ունենալ»,- ասաց Փաշինյանը։

Կոռնիձորի մոտ են շարունակում մնալ Հայաստանի ու Ֆրանսիայի ուղարկած հումանիտար բեռների մի մասը, մյուս մասը ՝ ավելի մեծ քանակով, գտնվում է մերձակա հատվածում։