Բյուջեի մասով մենք ինչ խոսում էինք նոյեմբերի սկզբին, իշխանությունները հասկացան նոյեմբերի վերջին. Արթուր Խաչատրյան

Բյուջեի մասով մենք ինչ խոսում էինք նոյեմբերի սկզբին, իշխանությունները հասկացան նոյեմբերի վերջին, այսինքն՝ այն թվերը, որոնք գրել էին, անտրամաբանական էին, խորհրդարանական ճեպազրույցների ժամանակ հայտարարեց «Հայաստան» խմբակցության պատգամավոր Արթուր Խաչատրյանը:

«Նրանք 10 տոկոսով կրճատեցին տնտեսական աճի կանխատեսումները, որոնք էլի իրատեսական չեն: Պարտքի մակարդակը հասցրել են աստղաբաշխական թվերի, ասում են՝ կառավարելի է: Բարձր խոլեստերինի դեպքում էլ, եթե մահացու դոզան չի անցնում, պացիենտը ապրում է, բայց մահանալու հավանականությունը շատ մեծ է: Հիմա իրենք ասում են՝ չէ դեռ սաղ ենք: Իրենք միայն պարտքի սպասարկմանը ավելի շատ փող են տալիս, քան Առողջապահության, Արդարադատության, ԱԳ նախարարություներին, մարզպետարաններին:

3 օրում ավելի շատ գումար ենք դուրս տալիս, քան Գյումրիի բյուջեն է: Իսկ արդյունքում ունենք ընդամենը 5 տոկոս տնտեսական աճ, չնայած իրենք խոստացել էին առնվազն 7 տոկոս»,-նկատեց պատգամավորը: