Մարդ ա՞ վատացել. Խուդոյանը դրժեց իր խոստումը, եւ չներկայացավ նախատեսված հանդիպմանը

Օրերս, Newsmedia-ն անդրադարձել էր Հայկական պետական մանկավարժական համալսարանում գործող հոգեբանության մասնագիտական խորհրդում Մարատ Դուրյանի պաշտպանած ատենախոսության շուրջ բարձրացած մեղ աղմուկին, որի հետ կապված էլ, Բարձրագույն որակավորման կոմիտեն Մանկավարժական համալսարանում քննարկում էր կազմակերպել:

Հիշեցնենք, որ օրերս, բավականին բուռն մթնոլորտում ընթացող այդ քննարկմանը մասնակցում էին ԲՈԿ նախագահ Սմբատ Գոգյանը, Խ. Աբովյանի անվան Մանկավարժական համալսարանի Կիրառական հոգեբանության ամբիոնի վարիչ Սամվել Խուդոյանը, ԵՊՀ Ընդհանուր հոգեբանության ամբիոնի վարիչ Հրանտ Ավանեսյանը և այլ գիտնականներ:
Իսկ քննարկման գլխավոր նպատակը մեկն էր. մտքերի փոխանակման, եւ փաստերի համադրման արդյունքում պարզաբանում մտցնել՝ թե իրականում ինչ թնջուկ կա Մարատ Դուրյանի պաշտպանած ատենախոսության շուրջ:

Ավելին, նաեւ նշել էինք այն մասին, որ Մանկավարժական համալսարանի Կիրառական հոգեբանության ամբիոնի վարիչ Սամվել Խուդոյանի կողմից՝ «մի բաժակ ջրում փոթորիկ բարձրացնելու» պատճառը, վերաբերում էր Մարատ Դուրյանի ներկայացրած ատենախոսության տեքստի մեջ չակերտներ դնել-չդնելուն և հղումների ճիշտ ձևակերպմանը, ինչի շուրջ էլ ներկաներից շատերը փորձում էին առողջ քննարկման արդյունքում, Խուդոյանին բացատրել, որ այն ինչի մասին բարձրաձայնում է պարոն ամբիոնի վարիչը՝ մի տեսակ այդ աղաղակումները   միտումների դաշտից են...

Հիշեցնենք նաեւ, որ քննարկմանը ներկա մասնակիցներից շատերը, այդ թվում նաեւ ԵՊՀ Ընդհանուր հոգեբանության ամբիոնի վարիչ Հրանտ Ավանեսյանը, Սամվել Խուդոյանի հետ խոսեցին կոնկրետ փաստերով՝պնդելով որ ասպիրանտը պատշաճ մակարդակով է ներկայացրել իր ատենախոսությունը, եւ որ Խուդոյանի կողմից  բարձրացված աղմուկը՝ ամենեւին տեղին չէ:

Ավելին, Հրանտ Ավանեսյանը Newsmedia-ի հետ զրույցում նշել էր, որ Խուդոյանի դրսեւորած վարքագծի մեջ, որոշակի միտումներ է տեսնում: 

Ինչեւէ, խնդրին վերջնական լուծում տալու համար, ներկաները՝ ԲՈԿ նախագահ Սմբատ Գոգյանը, Խ. Աբովյանի անվան Մանկավարժական համալսարանի Կիրառական հոգեբանության ամբիոնի վարիչ Սամվել Խուդոյանը, ԵՊՀ Ընդհանուր հոգեբանության ամբիոնի վարիչ Հրանտ Ավանեսյանը և այլ գիտնականներ պայմանավորվել էին այսօր՝ հունիսի 24-ին,  հարցը քննարկել նաև ԲՈԿ-ում, մինչդեռ  քիչ առաջ մեզ հայտնի դարձավ, որ երդումներ «ուտող»  Խուդոյանը այդպես էլ չի ներկայացել   նախատեսված հանդիպմանը ՝խնդիրը թողնելով առկախված վիճակում:

Իսկ թե ի՞նչ ելք է ունենալու այս դիլեման, եւ թե ի՞նչ տեսակետ ունեն ստեղծված իրավիճակի շուրջ, ԲՈԿ նախագահ Սմբատ Գոգյանը, եւ Հրանտ Ավանեսյանը, մեկնաբանությունները կներկայացնենք հաջորդիվ:

Փաստորեն մի կողմից Խուդոյան Սամվելը  երդում կերավ, որ ինքը միտումներ չունի՝ ասպիրանտի կողմից ներկայացրած ատենախոսության հետ կապված, մյուս կողմից էլ՝  արագորեն դրժեց խոստումը, եւ չներկայացավ այսօր նշանակված հանդիպմանը: Եւ շատ հետաքրքիր է, թե ինչու՞…

Իսկ կարող ա մարդ ա՞  վատացել…