Պոռնիկները, սաունաները, կազինոները․ Ի՞նչ չի կարելի Հայաստանում

1-in.am-ը գրում է.Որևէ երկրում օրենքների ոտնահարմանը հետևում են ծանր հետևանքներ: Հայաստանն այսօր իսկ ճաշակում է այդ ծանր հետևանքները թե՛ արտաքին քաղաքականության մեջ, թե՛ տնտեսական, թե՛ սոցիալական ու քաղաքական ոլորտներում: Բայց երկրի իրավական հիմքերի քայքայման ամենածանր հետևանքը, թերևս, բարոյական քայքայումն է: Երբ հիսուն տոկոս աղքատության ցուցանիշ ունեցող երկրում վարչապետը, նախարարները միլիոնավոր դոլարներ արժեցող տներ են կառուցում, նախարարները շրջում են 70, 90 100 հազար դոլարանոց մեքենայով, դա արդեն բարոյական քայքայման էական նշան է:

Որովհետև որևէ մեկը նման երկրում նման առանձնատներում ապրելով, նման մեքենաներով շրջելու համար պետք է լուրջ բարոյական արգելքներ հաղթահարի:

Որովհետև բարոյական արգելակներդ փչացած պիտի լինեն, որպեսզի այդ մեքենան վարես մարդկանց միջով, որոնք իրենց տասը, քսան տարվա համախառն եկամտով չեն կարող նման մեքենա նույնիսկ երազել:

Ընդհանրապես, այն ապրելակերպը, որով ապրում են հայրենի քաղաքական էլիտայի ներկայացուցիչները` ուղղակի հուսահատեցնող է: Մեր պաշտոնյաների կենցաղի անբաժանելի մաս են կազմում սիրուհիները, որոնք, բնականաբար, պահվում են պետական բյուջեից գողացված փողերով, այդ փողերով են ապրում նաև նրանց երեխաներն ու հարազատները: Պոռնիկները, սաունաները, կազինոները, գիշերային ակումբները, ռեստորանները, թմրանյութերը, գինարբուքները մեր պետական պաշտոնյաներից ու քաղաքական գործիչներից շատերի ամենօրյա «մենյուի» մեջ են մտնում: Իսկ այս ամենն ապահովելու համար, ինքներդ եք հասկանում, հարկավոր է փող, ավելի շատ փող, որքան հնարավոր է շա՛տ փող: Ու ժամանակի հետ՝ այս ամենը շատ ավելի կարևոր է, քան պարզ, սովորական, մարդկային ամոթը:

մանրամասն՝այստեղ: 

Արման Բաբաջանյան